Í dag útskrifuðust nemendur úr 10. bekk við hátíðlega athöfn. Nemendur fluttu fjölbreytt skemmtiatriði, Birkir Smári spilaði á flygilinn og flutti líka bráðskemmtilega ræðu. Íris, Áslaug og Eydís sungu og spiluðu, Íris og Heiðdís fluttu stutta tölu, Kim, Nicole og Loubna sungu frumsamið lag. Fyrir hönd skólans töluðu Guðni, Auður, Ragna og Fanný. Að lokum buðu foreldrar upp á glæsilegar veitingar. Skólinn þakkar þessum góðu nemendum samfylgdina og óskar þeim alls góðs í framtíðinni. Myndir

Skólaslit verða sem hér segir:

Þriðjudaginn 8. júní

• 10. bekkur kl. 17:30

Miðvikudaginn 9. júní:

• 1. - 3. bekkur kl. 10:00
• 4. - 5. bekkur kl. 9:30
• 6. bekkur kl. 9:00
• 7. bekkur kl. 11:00
• 8. - 9. bekkur kl. 10:00

Minnum á vorhátíðina n.k. föstudag kl. 16:30. Sirkus, uppblásinn rennibraut, húllakennsla, reiðhjólaskoðun kökubasar, fatabasar og lakkrís og margt fleira verður í boði og að sjálfsögðu verða grillaðar pylsur og drykkir í boði félagsins. Mætum öll og höfum það gaman saman. Nánar

Nú er prófum að mestu lokið og fjölbreytt starf framundan. Hér má sjá skipulag vordaga í 1. – 9. bekk. Ferðir, fræðsla og skemmtileg verkefni  er markmið okkar þessa daga.  Við viljum minna alla á að koma klædda samkvæmt veðri. Veðurspá. Mánudaginn 31. maí er starfsdagur kennara.

Árið 2010 er ár líffræðilegrar fjölbreytni. Sl. föstudag voru þrír nemendur úr 4. - 5. bekk fulltrúar skólans í verkefninu ,,Græna bylgjan" sem Umhverfisráðuneytið, Skógræktarfélag Íslands og Yrkjusjóður standa að í tilefni af því. Þetta voru þær Lilja, Hjördís og Sóley. Þær stóðu sig vel við gróðursetningu í Gufunesi og voru skólanum og sjálfum sér til mikils sóma. Myndir.  Sjá nánar um verkefnið: http://greenwave.cbd.int/en/home