Nú er Lífshlaupið að hefjast í 3. sinn. Lífshlaupið er verkefni á vegum Íþrótta- og Ólympíusambands Íslands og er hvatning til fólks á öllum aldri um að hreyfa sig. Starfsfólk og nemendur skólans hafa tekið þátt í leiknum frá upphafi. Lífshlaupið verður dagana 3. til 23. febrúar og þann tíma má skrá alla hreyfingu inn á vefinn lifshlaupid.is. Kennarar stofna bekki á síðunni og hjálpa yngri nemendum að skrá inn. Eldri nemendur geta fært inn sína hreyfingu. Lágmarkshreyfing hjá börnum er 60 mín. á dag en hjá fullorðnum 30 mín. á dag. Vonumst við til að sem flestir taki þátt í leiknum með okkur.

Í tilefni dagsins var þorrablót í skólanum í dag. Nemendur voru duglegir að smakka kræsingarnar hvort sem það var hákarl, hrústspungar eða súrhvalur. Hér má sjá nokkrar myndir úr matsalnum. 

Í síðustu viku heimsóttu kennarar frá Svíþjóð og Wales sem voru að vinna að undirbúningi að Comeniusarumsókn sem er samstarfsverkefni 5 skóla og snýst um útikennslu. Grikkland og Tyrkland verða einnig með í verkefninu. Gestum gafst kostur á að fylgjast með nemendum sem sýsluðu úti við, steiktu poppkorn, leystu stærfræðiverkefni, sungu og Kristín Erla og Rut, nemendur úr 5.b spiluðu undir á þverflautur. Myndir

Um leið og við óskum ykkur öllum gleðilegs árs, viljum við minna á að kennsla hefst samkvæmt stundatöflu á morgun.