Nemendur í 8. BÓ tóku þátt í samkeppninni Reyklaus bekkur. Þeir sömdu tónlist og gerðu myndband.

Við óskum nemendum í 6. - 7. AB til hamingju, þeir fengu silfur á Stuttmyndahátíð grunnskólanna fyrir myndina Reyklaus bekkur.

Í síðustu viku stóðu nemendur í 4.-5. HH fyrir skemmtun á sal. Dagskráin var fjölbreytt og skemmtileg. Nemendur hafa m.a. verið að vinna með Snorra Sturluson og fluttu leikrit, lásu ljóð og sendibréf í tengslum við efnið. Það er alveg ljóst að þarna eru hæfileikarík og kraftmikil börn á ferð. Myndir

Nú er búið að afhenda umslögin með peningunum sem nemendur skólans söfnuðu í áheitahlaupi Unicef. Við fengum yngstu og elstu nemendur skólans til að afhenda það sem safnaðist og taka á móti viðurkenningarskjali frá Unicef.  Þar er nemendum, foreldrum og kennurum í Álftamýrarskóla þakkað fyrir þátttökuna og  mikilvægt framlag til starfseminnar í þágu þurfandi barna um allan heim. Í allt söfnuðust 190.220 krónur sem er heldur betur dágóð upphæð. Nú verður þessi upphæð send  þangað sem þörfin er mest en Unicef starfar í 157 löndum víðs vegar um heiminn.

Ýmislegt hefur verið að gerast í skólanum undanfarna daga. Nemendur í 6. – 7. AB gerðu myndbandið Reyklaus bekkur sem þeir  sendu í keppni hjá Krabbameinsfélaginu.

Nemendur í 2. – 3. bekk fóru út á skólalóð með pensla og blöð og máluðu myndir úr umhverfinu.