Eins og ævinlega á vorin breytist skólastarfið og bekkir eru á ferð og flugi. Hér má sjá myndir úr heimsókn 4. – 5. bekkinga í Laugardalinn og húsdýragarðinn og í Öskjuhlíðina. Myndir frá ferð 2. – 3. bekkinga í Kópavogsfjöru og hér eru myndir frá hinum og þessum atburðum nú á vordögum. Síðast en ekki síst eru myndir frá útskrift 7. bekkinga sem var einstaklega falleg og í anda Litla Prinsins sem hefur verið þemað í vetur eða eins og Litli prinsinn segir svo vel frá hversu nauðsynlegt það er að gæta og hlúa að hinu smáa, svo það fái líf og hamingju, sem óhjákvæmilega smitar út frá sér. Hann átti rós. Rósin varð einstakur vinur og þannig höfum við vonandi eignast vini í börnunum og þau sannarlega eiga okkur að þegar þau þurfa á að halda.

Í dag útskrifuðust nemendur úr 10. bekk við hátíðlega athöfn. Nemendur fluttu fjölbreytt skemmtiatriði, Birkir Smári spilaði á flygilinn og flutti líka bráðskemmtilega ræðu. Íris, Áslaug og Eydís sungu og spiluðu, Íris og Heiðdís fluttu stutta tölu, Kim, Nicole og Loubna sungu frumsamið lag. Fyrir hönd skólans töluðu Guðni, Auður, Ragna og Fanný. Að lokum buðu foreldrar upp á glæsilegar veitingar. Skólinn þakkar þessum góðu nemendum samfylgdina og óskar þeim alls góðs í framtíðinni. Myndir

Skólaslit verða sem hér segir:

Þriðjudaginn 8. júní

• 10. bekkur kl. 17:30

Miðvikudaginn 9. júní:

• 1. - 3. bekkur kl. 10:00
• 4. - 5. bekkur kl. 9:30
• 6. bekkur kl. 9:00
• 7. bekkur kl. 11:00
• 8. - 9. bekkur kl. 10:00

Minnum á vorhátíðina n.k. föstudag kl. 16:30. Sirkus, uppblásinn rennibraut, húllakennsla, reiðhjólaskoðun kökubasar, fatabasar og lakkrís og margt fleira verður í boði og að sjálfsögðu verða grillaðar pylsur og drykkir í boði félagsins. Mætum öll og höfum það gaman saman. Nánar

Það var mikið fjör og mikið gaman í skólanum í dag. Nemendur í 6. – 7. bekk eru á fullu við undirbúning vinahátíðar í anda Litla prinsins. Fótboltamót var hjá 4. – 5. bekk, íþróttahátíð hjá 8. – 9. bekk og  10. bekkingar að klára lokaverkefnin sín.  Myndir